Vedtekter for Seljord songlag
Vedtekne av styret januar 2004 og endra av årsmøta 07.02.05, 14.03.05, 30.01.06 og 08.02.10
§ 1 ORGANISASJON
Laget er ei undergruppe av Seljord Ungdomslag (SUL) og skal arbeide i samsvar med føremålet til SUL.
§ 2 MEDLEMMER
Menn og kvinner over 16 år kan bli medlem
§ 3 ÅRSMØTET
Årsmøtet vert halde innan 10. februar kvart år
Årsmøtet konstituerer seg med å godkjenne innkalling og sakliste og velje ordstyrar, referent og to medlemmer til å skrive under protokollen
Årsmøtet skal godkjenne årsmelding og revidert rekneskap frå styret, fastsetje medlemspengar og avgjere andre saker som styret legg fram.
Årsmøtet vel:
- leiar for eitt år
- styre for to år
- 1 varamedlem for eitt år
- revisor for eitt år
- 1 medlem til valnemnd, for to år
§ 4 STYRET
Styret konstituerer seg med nestleiar, skrivar, kasserar og styremedlem.
Styret er vedtaksført når minst halvparten av medlemmene er til stades.
Styret har ansvaret for drifta av songlaget mellom årsmøta og skal blant anna tilsetje dirigent.
Styret pliktar å drive laget på ein økonomisk forsvarleg måte og syte for at laget bidreg med sin part i SUL sin felles husleige til Granvin Kulturhus.
Styret vel ein representant med vara til SUL sitt styre.
§ 5 VEDTEKTER
Desse vedtektene kan bli endra av årsmøtet i songlaget med minst 50% fleirtal. |